جانانه دن -جانانیه

🍃🌸🍃
🍃
سئوگیلیم، عکسین دوشوب پیمانه دن -پیمانیه،
آرتیریب دیر ذوقونو مئیخانه دن -مئیخانیه.

لئیلی نین دیوانه سی مجنون اولوبدور، من سنین،
فرق قویا عاقل گره ک دیوانه دن - دیوانیه.

شمع له پروانه یاندی ، من جمالئ-یار ایله،
بیر تفاوت قویمادی پروانه دن -پروانیه.

سویله نیر دیللرده چوخ عاشیق لرین افسانه سی،
دوشمه میش لر من کیمی افسانه دن-افسانیه.

یوسیفی گوسترمک ایستردی زولئیخا عالمه،
چوخ گوزه للر توپلادی کاشانه دن -کاشانیه.

کعبه دن بتخانه نی هرگز آییرماز حق پرست،
عشق دیر یول گوستره ن جانانه دن-جانانیه.

تاپمادی ، واحید، هله هئچ کس بو خطین صاحبین:
《قالدی بو دونیا ائوی دیوانه دن -دیوانیه》.
🍃
🍃🌸🍃
#علی_آقا_واحید

دانلود نرم‌افزار اندروید ویسگون دانلود از بازار

هنوز دیدگاهی ثبت نشده است