بمگرە باوەش هیوام، ئاواتم

بمگرە باوەش هیوام، ئاواتم
ئەو باوەشەی بۆم بێشکەی ئاواتە
بملاوێنەوە، تاکوو لە لاتم
کە مەستی ڕاستیم تەنها ئەو ساتە.

گەر هەبوون و نەبوونی
هەر بە مرۆڤایەتی با؛
بەژێری و داوێن پاکی یا
بە ئازایەتی با
هەژاری ئەمڕۆ خاوەن گەنجینە و
تەلار ئەبوون
ئەم زەنگینە زۆڵانەش زگ برسی و
هەژار ئەبوون

کێژۆڵە شەرمن، بچکۆڵەی نازدار!
ڕووت وەرمەگێڕە لەبەر دەم هەستیار
من هەر ئەو لاوەم، چەن ڕۆژ
لەمەو بەر
پێکڕا کاتێکی خۆشمان بردە سەر


مامۆستا #پەشێو