بایرام یئلی چارداخلاری ییخاندا

بایرام یئلی چارداخلاری ییخاندا
نوْروز گوْلی ، قارچیچکی ، چیخاندا

آغ بولوتلار کؤینکلرین سیخاندا

بیزدن ده بیر یاد ائلییه ن ساغ اوْلسون

دردلریمیز قوْی دیّکلسین ، داغ اوْلسون

****

بایرامیدی ، گئجه قوشی اوخوردی

آداخلی قیز ، بیگ جوْرابی توْخوردی

هرکس شالین بیر باجادان سوْخوردی

آی نه گؤزل قایدادی شال ساللاماق

بیگ شالینا بایراملیغین باغلاماق

****

بایرام اوْلوب ، قیزیل پالچیق اَزَللر

ناققیش ووروب ، اوتاقلاری بَزَللر

طاخچالارا دوْزمه لری دوْزللر

قیز-گلینین فندقچاسی ، حناسی

هَوَسله نر آناسی ، قایناناسی بایرا گونلروز قوتلو اولسون