قفلت ابواب کًلبی وما کًدرت ارتاح

قـفلت ابـواب کًـلـبـی وما کًـدرت ارتــــــاح
واثاریه الکًـلب ملیان شوکًـ لجرحه واهاته
.
وعـــذبـتـه وسـجـنـتـه بحـسـرتـه وااالآه
ونـفـیـتـه مـن الـعـشـکًـ طـفیت شمعاته

ولان مسکین الکًـلب صرت انا اعذب بیه
ولا دکــــــــــتـور جـبـتـه ایـداوی طـعـنـاته

ولان طـبـعـه الـوفا ویـریـد حـــب للـــدوم
سـجـنـتـه ومـا کًــدرت اسجنها رغـــباته 

وعـلـمـتـه الـقـســـاوة وما نـــفــع ویـــاه
رفــضـهـا وحـجـالـی الـطـیــب عـن ذاتـه

کًــلب ما بـیـه قـسـاوة ومـمتلی بالطیب
ولانه الکًــلب طـیب جثیرة هوای شماته

ولان الطـیـب طبعـه هـوای بـیـه جــروح
شـسـویـلـه ویـطـیـب وتـرد فـــرحـــــاته؟

واجـیـبلک یکًـلبی الیوفی کًـلی منین
اجیبه ویفرحنک صدکًـ یا کًـلبی کـلماته

ویظل باب الکًـلب الی اخر وقت مفتوح
وانا اعرف قراره بالمحبة هـوای غلطاته

ولان صــادق طـبع ما یـعـرف المـحـتال
لذلک سـجـنـته وقررت اطفیها شمعاته