رۆژێ دەیفەرموو بابە

رۆژێ دەیفەرموو بابە
رۆڵە نەچێ لە بیرتان
وتەی دایە گەورەیە
فەرمایشتی باپیرتان
ئەم جل و بەرگە جوانە
میراتی باپیرانە
ھەمووتان بیپارێزن
ھەمیشە جێگای رێزن
رانک و چۆخە و جامانە
ھەمووی بەرگی خۆمانە
کڵاشی ھەورامانی
فەرەنجی یان سۆرانی
بیکە بەرت بە مەردی
جێگای شانازی کوردی
کراس لەگەڵ کۆڵوانە
ھەر لە دایکی من جوانە
دەسماڵی شانەوشانی
دەسماڵی شانەوشانی
پشتێن زەردە گۆڵی ورد
لەتۆ جوانە کچی کورد
پیرۆزت بێ بیپۆشە
کێ وەکوو تۆ دڵخۆشە
قەت بە کەمی نەزانی
چون گەلی کورد زمانی
.........................................