ابر نیسان تک دولوبدور گوزلـــریم                  سینمه ی

ابر نیسان تک دولوبدور گوزلـــریم                  سینمه یاندیردی گیزلین کوزلریم

حسرت وغم نن قلم یارمیش باشـین                    صفحه احساس باغلیر گوزیاشین

طبعیم ای ناز بلبل دستان ســــــرا                     سویله سردار شهیدن ماجرا       

گئتی الدن بیر بیوک سرداریمـــــیز                    نور چشم دیده بیداری میز          

عاشق حق شـــیعه اثــــــــنی عشر                    الهین وجهینده مفقود الاثر            

جنگجوی بــــــــــدر و خیبر باکری                   شیر لافرار لشکر باکری                 

انقـــــلاب اوغروندا ائتدی چوخ تلاش                   قصدی الله اولدی نه مال ومعاش     

جانین حق یولدا ایثار ایلــــــــــــدی                     چوخلی سنگرلرده پیکار ایلدی         

شهردار اولدی ولی نه شـــــــــهردار                    ملت محروم اوچون خدمت گزار       

آز گلیبدی مثل طـــــــــولی دهریده                      عمری وقف اولدی جنوب شهریده   

غرق اولوب شهوت لره وابـــــــسته لر                   شهوتی اولدوردی بو وارسته لر          

کارگر تک ایشلدی محـــــــــروم لارا                    اولدی هر ایشده دایاخ مظلوم لارا       

شهریدارلیـــــــقدان سورا اول مرد راد                   اولدی عضو مجمع افراد جهاد           

اولدی ملحق پاکباز انــــــــــــسانلارا                  تا گدئیب خدمت ائده دهقانلارا          

چونکی آگاه دی گـــــــــیزلین دردلره           قویدی ائوز محروم ومظلوم کندلره               

هم تخصص هم تعــــــــهد هم شرف              خدمت خلق اونا ائتدی هدف                  

اوتخصص دن تکـــــــــــــبه قانمادی                  دینی مسولیتین ده دانمادی               

جوت قاناتلی اوشــــــــده عرفان اوجونا                 باشینی تابشیردی ایمان موجونا            

اگنه گییدی جامع عشـــــــــــــق الله                 اولدی جزوجان نثاران سپاه                 

ساخلادی ایرانه پرچــــــــــــم باکری             حافظ خط مقدم باکری                         

باکری وقف اولدی انســـــــــــــــــانییته                        رهبرین خطینده روحانییته                

اولماسین آیری آدا ذکری تـــــــــــــــمام                    باکری خط امامی دی امام                     

مهدیدن ائتدی اطاعت چون حمـــــــــــید                 اولدی مهدی تک مقدس بیر شهید               

روحی شــــــــــاد اولسون ایکی قارداشلارین              وریدلر الله یولوندا باش لارین                          

مهدی عاشـــــــــــورا ده دوزگون بیر شهید              وئردی جان تیپ ابولفظله حمید                        

او حســــــــــــــــینه یاخشی قیلدی اقتدا                     بو ابولفضلین سیاقی جان فدا                       

او حسین نن الدی غیرت درســـــــــــــینی                    بو ابولفظل دن شهامت درسینی