________________

________________
گئنه اود دوتدی اورک یاندی محبت اودونا
آیریلیق صحبتی خوش گونلری سالدی یادیما
سنده سالدون منی گوزدن ایله بیگانه کیمی
یوخدی بیر کس نظر ایتسون بو پریشان حالیما
قالا بیر خوش گونه حسرت سنی مندن آیران
گوندوزی شام اولا منتک گوزی یاشلی دولانا
گل گیلن منتظرم وار گوزوم استونده یرین
گل گوزوم یاشینی سیل چک الیوی بیر باشما
وار اومیدیم هله بیریولدا بیزه باش چکه سن
یاتمارام صبحه کیمی گوز تیکرم من بو قاپویا
گاه اولوب شاد گهی غصه لنوب آغلییارام
دیمگ اولمور اورگین دردین حتی آنیا
عشق درسین منه اورگتدی اوشاخلیقدا آنام
باغبان عشقیله گول بسلدی ویردی خزانه __________________________________________