.

.
.
.
چاره سیز، خسته لرین، دردینه درمان آنادی
دفتر عشق و وفا، مشقینه پایان آنادی
سینه سی دشت بلا، آتش بحراندا یانار
سارالان یازگولو تک، تشنه باران آنادی
هر بلا درده دؤزر، شرط محبتده اؤزو
گر مصیبت داغ اولا، صبریده طوفان آنادی
عشق پروانه سی تک، شمع ائولاده یئنه
یاندیران بال و پرین، عاشق گریان آنادی
آی دئسن اوخشاری وار، اولدوزا چوخ بنزری وار
گونو خجلتده قویان، دُرّ بدخشان آنادی
او کی هر صبحه کیمی، یاتمادی غمدن گئجه لر
سنه لای لای اوخویان، بولبول نالان آنادی
شاهلیغین شیوه سی وار، مَسندیمین لشگری وار
تاج و تختسیز جاهانا، سرور و سالار #آنادی
.
بوتون آنالار گونو قوتلو اولسون