وینه کانت وک خوت ناچن

وینه کانت وک خوت ناچن
‌وەک خۆت چاوناتروکێنن
‌وەک نیگای خۆت نامهەژێنن
‌دەستەکانت ناجوڵێنن بەرەو دەستم
‌هەست ناکەن‌ بە قوڵپی هەستم
‌وەکو خۆت نین سەریان
‌ناخەنە سەر شانم
‌وەک خۆت نایهێننە جوڵە
‌تەزوی گیانم
‌ڕاستە لەناو وێنەکانتا پەلەت نیەو ناڕۆیتەوە
‌سەدەیەکی وێنەکانت
‌ناگەن بەوەی ‌کە قاوەیەک لەگەڵمدا ئەخۆیتەوە
‌وێنەکانت وەکو خۆت نین
‌شەڕێکیان
‌لەگەڵ
‌نەکردووم
‌شێتی دەنگتم
‌کەچی ئەوان بۆ جارێ بانگیان
‌نەکردووم
‌بۆیە ئازیز
‌کە سەرم
‌پڕبێ لە شێوەت
‌چ پێویستم بە ئەلبوومە
‌خۆت ئەزانی ئەوینی تۆ ‌هەمو ئێستاو ڕابردوومە