قویما گؤزهلیم، کویینه اغیار دولانسین
قویما گؤزهلیم، کویینه اغیار دولانسین
انصافمی، گولزاری گلیب، خار دولانسین؟
راضی دهگیلم اؤزگه اولا محرم وصلین
گولزار بهشتی نهیه کفّار دولانسین؟
کؤنلوم قوشو دائم دولانیر، شؤقِ روخونله
البته گرک، کعبهنی زوّار دولانسین
اکراه ائلهمه قامتینه زولف دولاشسا
سرو اوستونه، بو رسمدی، شاه مار دولانسین
رحم ائت، گونیمی ائیلهمه زولفون کیمی قاره
قویما اوزونه طرّهی طرار دولانسین
سالدی منی پیوسته قاشین فکرینه، ظالم!
دائم بئله قوی چرخ جفاکار دولانسین
مخمور گؤزون فیکری ائدیب عالمی بیهوش
واحد نئجه بو شؤقایله هوشیار دولانسین؟
انصافمی، گولزاری گلیب، خار دولانسین؟
راضی دهگیلم اؤزگه اولا محرم وصلین
گولزار بهشتی نهیه کفّار دولانسین؟
کؤنلوم قوشو دائم دولانیر، شؤقِ روخونله
البته گرک، کعبهنی زوّار دولانسین
اکراه ائلهمه قامتینه زولف دولاشسا
سرو اوستونه، بو رسمدی، شاه مار دولانسین
رحم ائت، گونیمی ائیلهمه زولفون کیمی قاره
قویما اوزونه طرّهی طرار دولانسین
سالدی منی پیوسته قاشین فکرینه، ظالم!
دائم بئله قوی چرخ جفاکار دولانسین
مخمور گؤزون فیکری ائدیب عالمی بیهوش
واحد نئجه بو شؤقایله هوشیار دولانسین؟
- ۱۴۱
- ۱۴ آذر ۱۳۹۶
دیدگاه ها (۵)
در حال بارگزاری
خطا در دریافت مطلب های مرتبط