❄️❄️*(چله گیجه سی)*❄️❄️

❄️❄️*(چله گیجه سی)*❄️❄️
گینه یارب نه دوشوب دیللره چیلّه گیجه سی
خلق آراسیندا آچیب منظره چیله گیجه سی
گورنَه تشویشه سالیب خلقی بو بایرام گونی تک
یاییب آوازه سینی ائللره چیله گیجه سی
نه یاغیشدان نه بوراندان نه سویوقدان وار اثر
دولدورا عشق اودونی ایولره چیله گیجه سی
دای قدیملر کیمی قار یوخدی سویوخ یل چالاساز
یل ویرا چیرپینا قاپ پنجره چیله گیجه سی
اوقدیم قارگورسن بیرده یاغاریوردوموزا
شاختادان هاممی ویراچنبره چیله گیجه سی
دای قدیم خاطره لر خاطریمیزدن پوزولور
اوخشیور خاطره ایتگینلره چیله گیجه سی
دای ناغیل دا آنالار سویلمیر ایولادلارینا
چون اوغول چکمیری باش مادره چیله گیجه سی
قایدالاردان بیری شکر آللّها الاندا قالیر
یازیرام ثبت اولا بو دفتره چیله گیجه سی
تازه بَی پای آپارار بوگیجه تازه گلینه
تحفه دلداری ویرر دلبره چیله گیجه سی
قهرمان ایللریمیز بیرده گوروش تازه لیر
غم قاچار شادی گلر ایولره چیله گیجه سی
چیله گلدی گینه ده کورسونی سالدی یادیما
منی قیتردی گچن گونلره چیله گیجه سی
کورسونون اوسته دوزردی هامی دولتلی کاسیب
گیردکان قاخ بورانی شب چره چیله گیجه سی
نجه اولار بیرده قوورقا ننه ایوده قووورا
اوندان همساییه ده گوندره چیله گیجه سی
دای قییتمز اَله گلمز اوگِیچن گونلریمیز
دای اولار بنزیری رویالره چیله گیجه سی
خوش اولاندا اوزیمیز گونشیا دا فکر ایلیک
یار اولاخ یوخسولا بی کسلره چیله گیجه سی
وارلی یوخسوللارا انفاق ایده اللّهه گوره
یازیلار لوح حق داوره چیله گیجه سی
گیجه طولانیدی بیر آرزی ایدک هامیلیغان
قالخیزاق حاجت اَلین گویلره چیله گیجه سی
صبح الونجاق دییگ عجل لولیک مهدی
یاراولاق اول شه بی یاوره چیله گیجه سی
ذکر ایداخ پیر و جوان جمله دعای فرجی
منجینی گوندره حق بیزلره چیله گیجه سی
آقامیز گلسه بو عالم سروسامان تاپاجاق
قاتاجاق قطره نی دریالره چیله گیجه سی
یاز شکوری آقامیز مهدی آدین ذکر ایلین
صلوات گوندره پیغمبره چیله گیجه سی

(* تاریخ شعر:۱۴۰۲/۹/۳۰*)
*(اللهم عجل لولیک الفرج)*