بهونم سوت و کوره باز امشو

بهونم سوت و کوره باز امشو
ایگوی رهدن عزیزونم همه خَو

نه بنگی یا نه پیغومی نه حرفی
نه دلگرمی هده سی روز برفی

چتونه گویلم ؟سی چه زمندین؟
په سیچه جور قبل، نیگوین؟نیخندین؟

خدا دونه به دنیا هیچ وفا نی
منه ای روزگار هیچی صفا نید

بیاین تا زنده یم خوش بویم گوویل
بیوریم بی دلیل خنده به لویل

بیاین تا باز جمع اوبویم شونشینی
صفا داره به دور تش بشینی

میر دی گوگری از بین وریستا؟
په سیچه هیشکه سروردس نویستا؟

بهونا جم ووبین اشکست رکاسون
تش و دی نی وریسته چاله هاسون....