دیل اوجو نئجه سن سوروشوب گئتمه

دیل‌ اوجو نئجه‌سن سوروشوب گئتمه
دایان، ایضاح ائدیم، نئجه‌یم ایندی
داغیلمیش بنایام، سؤکولموش یولام
توز آلتدا بوغولان کۆچه‌یم ایندی

حسابدان یاخشیسان، هله گل اوتور
من ده سوال وئریم تنلیگینی قور
ایکیدن بیر چیخیب سونرا بیره وور
حسابلا، تاپ گؤروم نئچه‌یم ایندی

اۆره‌ییم اینانمیر اۆرک سؤزومه
بیر اوجوز اؤلوم ده گۆلمور اۆزومه
سنسیز بۆتون گئجه اؤزوم-اؤزومه
سنی خاطرلادان گئجه‌یم ایندی ...


‎