قَسَم وِ خاکِ کیچَه،وَقتَه دِلِم بَتیچَه

قَسَم وِ خاکِ کیچَه،وَقتَه دِلِم بَتیچَه

دِل چی اسیرِ خَستَه،طاقتِشِه دِ دَس دَ


گَرمِمَه تشنه ساشِم ،مست کِردَه گیس واشِم

فتوا بیَه جُو بِها،تا شاهرَگم وِ پاشِم


وِ خاطر چَشیا تو،عمری مَنِم وِ پا تو

دیمِت وِ تِه غَریوی ،مِه آو بیئِم وِ جا تو


کردَه وِ چَش اسیرِم ،دونَه که پَر نِمیرِم
لو تَر بَکَه جو بِها،بی غیرتِم نَمیرِم


سی تو چَشیا مِه تَر بی،همیشه دَر وِ دَر بی
جونِم دِ خوش خَستَه بی،گَن وِ تو وابسته بی


بارو که نم نم اُفتا،رِفتِ غَمِت دِم اُفتا

أُفتاو دِ شو دِر اُوما،جونِم دِ لو دِر اُوما


بارو.....
بارو....
تونِه باد بُرد.....
مِنِه بارو.....