خزان اولدی عومور گولوم

خزان اولدی عومور گولوم


تاپیلمادی اهل دیلیم

نادان چیخاندا سئوگولوم

دیل آغلادی من آغلادیم

بل باغلادیم نه دن یارا

اوندا اولدوم بختی قارا

اوزومی قویدوم توپراغا

دیل آغلادی من آغلادیم

اورگیمده یارا چوخدی

آ ختارمیشام درمان یوخدی

یارین سوزی خنجر اوخدی

دیدی دیله دیل آغلادی من آ غلادیم

غمدن آ خار گوزده یاشیم

غوغادان آچیلمیر باشیم

سینه م اوسته مزار داشیم

ایل آغلادی من آ غلادیم

سنیب چالمیر دنیا تارین

نیلییرم دولت واری

مسکن ایلدیم مزاری

دیل آغلادی من آ غلادیم

دنیا دئیمز حل داشینا

رحم ایله مز گوز یاشیما

توپراق چووردی باشیما

دیل آ غلادی من اغلادیم

سوندوردی فلک چراغی

قارانلیق اتدی اوتاقی

مسکن ایلدیم بوجاغی

دیل آ غلادی من آ غلادیم

سینه مه یار چکدی داغی

سینم دی غم اویناغی

گورنمدی بختین باغین

بخت آغلادی من آ غلادیم

ندن بل باغلادیم یادا

جوان عمری وردیم بادا

تپیح وردیم هر بیزادا

دیل آ غلادی من آ غلادیم

دومان چکیل داغا ساری

گوزوم گورسون الی باری

اوز چوردوم اله ساری

ال آغلادی من آغلادیم