دَلی عاشقلرین ضعیف اورکلری وار

⭕️دَلی عاشقلرین ضعیف اۆرکلری وار

یازان: بَللی دگیل*
✍تۆرکجه‌یه چئویرن: #سهیلا_نظری

آرالیقدا سؤز توشموشدو داییم عاشق اولوب. یاشیم آز ایدی، باشا توشموردوم نه دیییرلر آنامدان سوروشدوم عاشق اولماق یانی نه؟ داییم عاشق اولوب یانی نمنه اولوب!؟
قاشقاباقلا دئدی:
-هئچ زاد دَییل، داییوین بئینی تَرپه¬نیب، دلی اولوب....
اؤز یانیمدا دئدیم: یازیق داییم حیف اولدو، یازیق داییم دَلی اولدو....
بیر نئچه گون کئچدی، ائشیتدیم خانین دا قیزی دلی اولوب، ائله داییم کیمی، عینی زاماندا بیرلیکده دلی اولموشدولار. داییم ائوه گئج گلردی گلنده ده حالی همیشه پوزغون ایدی.
نئچه آیدان سونرا ائشیتدیم خانین قیزینا ائلچی گلیب. تعجب ائله¬دیم، دَلیلر ده اَره گئدرلر آخی!
گئجه داییم ائوه گلنده آغزیمدان قاچدی دئدیم... دئمکله اولمور، گرک اولوب گؤره¬یدیز اؤزون او یان بو یانا چیرپیردی. چؤرکچی اصغرین اوغلو محمدین آغاج اوخ-کامان ایله حیاط¬دا ووردوغوموز گؤیرچین کیمی... یازیق گؤیرچین یئره توشنده هله جانی وار ایدی، آمما چیرپینماغیندان بَللی ایدی دردی وار. داییم دا او گؤیرچین کیمی ائله بیل دردی وار ایدی قیوریلیب آچیلیردی، اؤزونه دولاشیردی.
اؤز اؤزومه دئدیم، وای دَده دلی اولماغین دا مکافاتی وار...! گرک مییاغات اولام دلی اولمایام.
چوخ زمان گئچندن سونرا باشا توشدوم داییم بوندان ناراحتدیر کی ایسته¬ییرلر خانین قیزین اَره وئره¬لر! اؤز یانیمدا دئدیم داییمین حققی وار دا، نییه ایسته¬ییرلر او کیشی¬نین گونون بو دلی ایله قارالدالار.
توی گئجه¬سی یئتیشدی، آنام، بؤیوک آتا-آناملا داییمی بیر اوتاغا سالیب قاپیسینی باغلادیلار گلیب دلی قیزین تویون بیر-بیرینه وورماسین.
داییم اؤزون قاپییا چیرپیردی یامان دیییردی...
بیز گئتدیک تویا، دلی قیز بوتون گلینلرین ترسَینه ایدی، او بیری گلینلر گولش قاباق اولاردیلار بو دلی آغلاییب یازیق بزکچی شمسی¬نین بوتون چالیشمالارین هدره وئریردی...
آنام دا ناراحت ایدی. هامینین اورگی او اوغلانا یانیردی، داورانیشیندان بَللی ایدی دلی دَییل عقیللیدیر.
گئجه تویدان ائوه قاییداندان سونرا آنام هؤیوشنه¬ ایله آچاری سالیب اوتاغین قاپیسین آچدی، داییمی اوتاغین یئرینده یوخو توتموشدو، آنام قورخولو گئتدی داییمین باشینا، داییمین اوزونون رنگی آغ قار اولموشدو.
آنام چیغیریردی، اوز- باشینا دؤگوردو.. هایا قونشولار گلدیلر!
یازیق داییمین اورگی یاتمیشدی...
او گون¬ بیلدیم دَلیلرین ضعیف اورکلری وار، دَلی عاشق¬لرین ضعیف اورک¬لری وار....

مییاغات: مراقب، مواظب

09-02-1397 بو یازی‌نین فارسجاسین تلگرامدا گؤردوم چوخ آختاردیم یازانین تاپانمادیم خوشوم گلدیگینه گؤره تورکویه چئویردیم. ایندی ده گؤزل اولدوغونا گؤره ایسته¬دیم سیزلر ده اوخویاسیز.

@SancaqDergisi
https://t.me/Sancaq_media/4247
دیدگاه ها (۴)

بو گئجه باده ایله دفع ملال ائیله میشم،عؤمرون بیر گئجه سینده ...

بو گئجه باده ایله دفع ملال ائیله میشمعؤمرون بیر گئجه سینده ب...

تورکون دیلی تک سئوگیلی ایسته کلی دیل اولمازاؤزگه دیله قاتسان...

شهریار » گزیدهٔ اشعار ترکی تورکون دیلی تک سئوگیلی ایسته کلی ...

خان ننه ، هایاندا قالدینبئله باشیوا دولانیمنئجه من سنی ایتیر...

قولاق آسین جماعت – من دانیشیم نهایت بو محبت عالمی – چوخسونا ...

(واقعا زیباست بخون .ترجمه هم داره ) بو گئجه باده ایله دفع ...

اولدوز سایاراق گوزله میشم هر گئجه یاریگج گلمه ده دیر یار یئن...

اولدوز سایاراق گوزله میشم هر گئجه یاریگج گلمه ده دیر یار یئن...

اولدوز سایاراق گوزله میشم هر گئجه یاریگج گلمه ده دیر یار یئن...

در حال بارگزاری

خطا در دریافت مطلب های مرتبط