کرونا خطری

کرونا خطری
به قلم: استاد غلامی سرای

پادکست: https://bit.ly/2xxhgHh
نماهنگ: https://bit.ly/2QifyA4

حکمتینن همت ائدین دردی ووراق تا دالیا
درک ائلیاخ سینی چوخی رحم ائلیاخ گول بالیا
بیرده اولوم قوردی نیه جانلاری بیربیریالیا
اذن نیه دره وئراخ جسمیموزی چولقالیا


آز دولاناق تا بو یارا تئز ساغالا توسدی یاتا
آز دولاناق گورمویاق آی اولدوزموز گویده باتا
آی آنا سن گود بالاوی ایولری شاد ایله آتا
قویما عزیزیم بو غمه ناله لر افلاکه چاتا


بیرایکی هفته اشیمیز دوشسه دالا چاره سی وار
چوخ دولانیب گزمه لرین قانه دونن یاره سی وار
ساده دوتاق،بو جولانین نیسگیلی ،فواره سی وار
عین خیالیم دئمه بو چوللرین آواره سی وار


خوش دی اوره دن بوزمان گویلره بیرسفره آچاخ
یونگول ائدیب بال و پری عالم افلاکه اوچاخ
تئز سواوشار بو قارا یئل تئز دونر آباده اوچاخ
بیرده "سرایی" تئز اولار سمت اومولایه قاچاخ

#کرونا_خطری #کرونا #ویروس_کرونا #شعرکرونا #استاد_غلامی_سرای #مرکز_فرهنگی_شهید_جدیری_کهنموئی