تِه دستِ هیمهُ رَسِن بَوِردِه / تِه قدِّ نِشاءُ خَرمِن بَ

تِه دستِ هیمهُ رَسِن بَوِردِه / تِه قدِّ نِشاءُ خَرمِن بَوِردِه
اَتادَم راحِتِ دِنیا نَکِردی / تِه عمر صحرا وَردِه تِند بَوِردِه

لالالالا خَسته تنِ بِلارِه / شِه مارِ بوی پیرهَنِ بِلارِه
تِه مِه گَرِه دائی توءِ بِلارِه / تِه شو مِسِّه نَشی خوءِ بِلارِه

مِسِّه لالا خوندِستی تا صِواحی / مِسّه داشتی آرزوءِ بِلارِه
لالا دِل دارنِه اَرمونِ بِلارِه / بی تِه دِنیا مِه زِندونِ بِلارِه

ته دوش مَشتِ هیمه مِن تِه بِلارِه / تِه دست پِرِ پینه مِن تِه بِلارِه
یا نِشا کِردی یا مالِ پِه دَئی / تِه سَرُ تَن خَسته مِن تِه بِلارِه

لالا چِشْ مَشتِ عَصریه بِلارِه / تِه مِه دِنیایِ خِشیه بِلارِه
ِافتاب تِنِه دِلِ گوشه نَوونه / ِبهار تِه دَستِ وَنوشه نَوونه

اگه دِنیای خِشی مِه بَووشه / جان مارِ گَرمِ کَشه نَوونه
لالالالا شِه غَمخوارِه بِلارِه / ِاسا وِنِه تَن نِخارِه بِلارِه