قولاق آسین جماعت – من دانیشیم نهایت بو محبت عالمی – چوخسو

قولاق آسین جماعت – من دانیشیم نهایت بو محبت عالمی – چوخسونا وئرمیش غمی منده عذاب چکمیشه م – چوخ اضطراب چکمیشه م کیم گلیبدی خوشوما – نه ایش گلیب باشیما یاش دولا – دولا گؤزلره – دانیشمیشام سیزلره او وفاسیزدان سورا – دوشمه مه ک ایچین تورا سئومییه جه م سؤیله دیم – تنها عمور ائیله دیم کئچدی خیلی زامانلار – اؤتدی بیر نئچه آنلار بیر قیز گؤردو گؤزلریم – یاددان چیخدی سؤزلریم بو قیز عجب دیر عجب - سئو منی ائیلیر طلب دئدیم چاتار کو مکیمه – تسلی دیر اوره گیمه دوشدوم اونون دالینجا – اوندان بیر سؤز آلینجا لاپ اوره گیم پارتلادی – سانکی باغریم چاتلادی هر او درسه گئده نده – گئتدیم اونونلا منده چوخ ائیله دیم آند آمان – آخیری کی بیر زامان چیخاردیب اینجه سه سین – سؤیله دی اؤز کلمه سین باخما منیم یاشیما – چوخ ایش گلیب باشیما خیلی عمور سورموشه م