شعر در تعریف بیلوردی به زبان ترکی

شعر در تعریف بیلوردی به زبان ترکی





بـو یئرین شیـریـن آدی بیـلـوردی دیـــر

گؤیـلومـون بال تک دادی بیـلـوِردی دیـر

***

دیـل آچـان واختیـم بـو تـورپـاقدا قالیب

سانکی بو یئردن کـؤنـول الـهـام آلیب

چـون آنـام بـوردا منـه لای لای چالیب

دویـغومون هـر بیــر زادی بیــلوردی دیر

*

او یئـری کی لاپ سئویـملی اجدادیــم

ایسته ییم ، سئوگیم ، آتام تک ایمدادیم،

افتـخـاریــم ، شهـرتیـم ، شأنیـم ، آدیــم

هـر نــه واریــم اوردادی بیـلـوردی دیر

*

بـو یئـر آنـلاق بـاغی ، گول دَربنـدی دیر

سئوگی قـاینـاغی ، بیلیک فَـرزنـدی دیر

بـو قوجـا تـورپـاق ایـگیـدلـــر کندی دیر

معـرفتـلــــــر میـعـادی بیـلـوردی دیـــر

*

هم شهیــدی واردی هم آزاده ســــی

جانبـازی ، رزمنـده سی ، یـاردیم سَسی

جعفـــــری وهّـاب تـک ، عـلّامــه ســـی

غئیـرتیـن بیـــــر ائولادی بیــــلـوردی دیر

*

بــو یـئـریـن وار اقتـصـادی شهــرتـی

آدلانــان داداش - بـــــرادر شــرکتــــی

یــــــــا سلیـمـان زاده لـــــر جـدّیّـتـــی

شیرنی نین ایلک اوستادی بیلوردی دیر

*

بـو یئــر آدلیـملارلا دولمـوش یـکســره

بیر بیر آد وئـرسه م سیغیشماز دفتره

ایش بیلَن لــر جان وئـریبدیـــر بو یئـره

صنعتین بیــر اَسنـادی بیــــلوردی دیـر

*

یوردومون اوستونـده « بَی » عنوانی وار

بــو یـئـریــن آنـجـاق محبّت قـــانـی وار

عشق دونیـاسیـندا جوشغون جانی وار

سئوگی مین جدّ آبـــادی بیـلوردی دیــر

*

فَرش لر طرحی نئجه ایلمه کـدَه دیـر

تویلارین عشقی نئجه گولمه کـده دیـر

معناسی «بیلوِردی» نین بیلمه کـده دیـر

تـورکـو ، دانشگـاه آدی بیــلوِردی دیر*

*

بو یئری وُسعتلی شهر اولسون گؤروم

بو یئـره تـوریست لـــر دولسون گؤروم

بو یئـرین نیسگیل لری سولسون گؤروم

عشقیمین سون فریادی بیــلوردی دیـــر

*

بــوردا آنـلاقـلا ادب معنـاســــــــی وار

معنوی یئـردیـــر ، بیـلیـک دونیـاسی وار

شعـرده احساسلی بیــــر داداسی وار

چــون زولالیـن بُـنـیـادی بیـلوردی دیــــر



دادا بیلوردی

هیجدهم بهمن 1394 هجری شمسی

برچسب: شرکت داداش برادر . سلیمان زاده . شکلات بیلوردی . شعر . تعریف . آیت الله وهاب جعفری .