تەرزەی خۆشەویستی تۆ، خەمی دڵی وەرانم

تەرزەی خۆشەویستی تۆ، خەمی دڵی وەرانم

لەشـەوی تەنیـایما ، چـرای بۆ داگیرساندم

بەهەشتی ئەم عەشـقەی تۆ ، پڕ لە ئاهـو ئاواتە

دیارە تەمەن بێ ئەوین ، وەک ڕێگەی خەراباتە

دەروازەی چاوەڕوانیم ، غەریبی تۆی لێ دیارە

دڵـم بـۆ دیـداری تــــۆ هـەمیشـە پـڕ ئـازارە

لەو ساتانەی لێم دووری ، ڕۆژی ڕوونم شەوگارە

بـەڵام کـاتێک ئـەتبینم ، پـاییـزم لا بـەهـارە

لافـاوی سـەرنجی تـۆ ، خـەمی دڵم لائەبا

وەکو شەمالێ دیدەنی باخێک وەنەوشە ئەکا

بێجگە لە خۆشەویستیت ، بێ سەمەرم ئەزیزم

وەکو گەڵای هـەڵوەریو هـاوسەفەری پاییزم