دوش دیدم نو گلی بُی خنده ری لو باش بی

دوش دیدم نو گلی بُی خنده ری لو باش بی
مثل مجنون بیدو او هم مثلکی لیلاش بی

مثل گل پیچی وَ دورش پیج ایخهَ دم دقه
شانس ما بی ناز ایکهِ سی مو مِی خشخاش بی

خاطراتش اومه مِن ذهنم سرم هی داغ که
تی دلم گفتم که مالِ یی دلم ای کاش بی

هاشقی چی جز غم و غُصِی فلک سی ما نداشت
بی جهت هم یی دلم هی هاشق و شیداش بی

ایسو باید هی بسوزم هی بسازُم بُی غمش
دل خشش بی یی دلم او طفلکی دنیاش بی
سرگشته