اجـازه وار بیـــردن اوءپم

اجـازه وار بیـــردن اوءپم
سنینگ دوداغینگ بالینان
من کـی داها ایخیـلمـیشم
توتام بورماقینگ خالینان؟


اجـازه وار عاشـــق اولام
سنــینـگ آلا گـوءزلریــنگه
من کی داها سسیم گلمئیر
قولاق آسسام سوءزلرینگه؟

اجـازه وار قــولوم ســالام
سـنیـنگ ابریـشم بوینـونگا
داها قورخوم توکولمیشدیر
قریشم ســنینگ اوینونگا؟

اجــازه وار قــونـاق اولام
سـنینگ قشنگ گولیشینگه
عقلیم کی هئچ،جاندان گچم؟
چاتام دادلـی اوپـوشـونگه


اجــازه وار بو عـشقه من
داغودام داغ و داش بیله؟
سئر ساخلاماگ گچمیش مندن
دوست و دوشمن،یولداش بیله

مجتبی سن نه سویلیرنگ؟
عشــق کی اجازه گِئـترمز
سینمسه بو رســم ازلدن
عاشق معشــوقه ائتــرمز