سنه نه

سنه نه
منه یار اولدی بو دونیا، سنه نه

سنه یار اولمادی دونیا، منه نه

یه ییرم پسته، فسنجان نازیله

چالیرام سنتور و زورنا، سنه نه

جورتانی یاخ چوره گه نوش جانین

میل ائدیرسن گئجه شوربا، منه نه

اوغلومی مثل گلین لر بزیرم

اولوری گورمه لی دورنا، سنه نه

سنده حسرتده قالوبسان آلاسان

بیر اوووج کشمش و خرما، منه نه

قئزیما تورکیه دن دون گتیروب

آلموشام اطلس و دیبا، سنه نه

گر قئزین ناله ائدیر صبحه کیمین

یاندیریر اودلی قئزیلجا ، منه نه

میزیمین اوسته، کباب، بووغلانیری

سالمیشام ساجدا قاوورما، سنه نه

سنده گونده یه گینن، نان و پنیر

گاهدا بیر پارچا، یومورتا، منه نه

قئچیمین آلتینا ساللام، پژو، بنز

یول گئدیر، بنزین و گازلا، سنه نه

سنده یوک چلمک ایچون، داشقا آلوب

آرزوندور، بالامزدا، منه نه

ایودی، یا باغچا و یا باغ عروس

من ایچون مسکن و مأوا، سنه نه

بئش نفر، بیر اوطاقا، یورقان آچوب

قیشلارین، کووچه یه، ساللا، منه نه

گلدی، بایرام، آلارام، یاخشی یئمیش

پرتقال، یا قیزیل آلما، سنه نه

سنده بایرامدا، گوزون، یولدا قالوب

آلاسان بیر کاسا حالوا منه نه