ای قلبیمین احساسی دایان بیر نفس آل گت 

ای قلبیمین احساسی دایان بیر نفس آل گت 
بیر آز-جانا بو کلبه ی ویرانه ده قال گت
دای گوزلریمین نوری دوشوب ال ، اَلَیاقدان
سن بیر یوخوی استونده منی یادوه سال گت
فرش ایلمیشم خاطریمی پله لر اوسته
بو توزلو خیالی منیچون گَل گوتی چال گت
عکسون نه قَدَر تاقچالدا توزلانسون عزیزیم
میسماری گوتور قلبیمه تصویرووی چال گت
بو اولکده سنن یاشادیم حینِ جوانلیق
بیر دفعه ده گَل منّت ادیب بوردا قوجال گت
یاندی گورولوخدان دوداغیم ، یاغمادون ، افسوس
هردن بو سوسوزلار باشینا سایووی سال گت