آخ فلک

آخ فلک
آخ فلک گور نه یازیب سان منه حیران اولاسان.
دیرم دردیمی آخر منه مهمان اولاسان.

گجه لر جان یاراسی درده سالیب دور گوزیمی

گوزیم حسرت ده قالیب یاتماقا پشمان اولاسان

نه قدر خوف اولیم چکدی بی جانیم گل آپار

راضی ام جانیمی آل گرچه که شیطان اولاسان.

من که بیر خوش گونه حسرت قالدیم عمریمه حیف.

شعر یازدیم کی بوگون سن منه دیوان اولاسان.

بی یازیق عمریمه رحم ایله فلک من یازیقام

یازیب آلنیم دا تاری سن منه زندان اولاسان.

ها مینون بیر یاری اولسا گوز یاشی یاریم الوب.

صبرین اولسون ،محزون، یاز فلک ویران اولاسان.