اولدور منی ای غم،سن آلله نازا قویما

اولدور منی ای غم،سن آلله نازا قویما



پاییزلامیشام بیرده قراری یازا قویما



الده اورگیم زخمی گورچین کیمی تیتیریر



تیماریمی بیر دردیلی کفتر بازا قویما



نفتی قوتاریب زندگیمین،سونمه لی یم من!



یاندیر قوتاریم پیلته می بوندان بیله آزا قویما



ظلمت گجه لر چوخ آیا یالواردیم اورکدن



آی آی،سنی تاری گونومی گل نارا قویما



چوخ غمنی چالیرسان منی سن خسته مغنی



کونلوم اودونی زخمی الی لن سازا قویما



من،اردبیلین شاختا کسن سرویم ای غم



کارون گوزومی الدن آلوب اهوازا قویما



تبریزده ایاقیم ایلیشیب،یوخ یولا شوقیم



سن دوت فالیمی گویما گدم شیرازا،قویما



ایندی گوروسن جان وریرم تک لیک الیدندن



منن دانیشورسان،سوزومی ایجازا قویما



قانماز!!!اجل عشقین سوزونی،شرح وئرم من



اولدور منی ای غم،ایشینی قانمازا قویما