گولدان

گولدان

من دەزانم تۆ گولیکی چەند ناسکی
بۆیە لە دلما دات دەنیم
ئەی تۆ بۆچی خۆت نازانی
من بۆ گولدانی تۆ دەشیم؟!
لە هەر شوینیک کە بتبینم
وینەت دەگرم بە چامەیەک
بۆ هەرکوییەک بچیت، ئیتر
سوزم دەبی بە نامەیەک
لە شیعری هەر شاعریکا
بتخوینمەوە دەتکەمە بەر
لە تاجی هەر هونەریکا
نقیمیک بی ، دەیکەمە سەر
من حەز دەکەم لە باوەشتا
ببمە دزی باخ و بەرەت
من حەز دەکەم وەک کیژە جاف
پیش کەشم کەیت نان و کەرەت
من خەییام و تو جامەکەی
پر لە شەراب و لیو تەنگ
وەهام دەوێ هیشووی مەمت
بکەم بە چیژ دەنک دەنک
تەنها شەویک بەهەشتم بی و
پاراوی کەی لیوی بریام
پیشی ئەوەی بەیان بدا
پیش کەشت بی هەردوو دنیام