ای خُدِی بالِی بُلندو جونه خوت کاری بکن

ای خُدِی بالِی بُلندو جونه خوت کاری بکن
مِی یه خویی دومِن و بالایه زِر واری بکن

پاته ری پا نادِیِ یادِت وَ دومن رهته مِی
خِشخِرِی یا سِکنِکی بالایَ آزاری بکن
ری زمینت پُر شَرِ تیر و تفنگ و تخته و بَرد
کَمچه وردا بینِ خوب و بد یه دیواری بکن

ایگن امسالت سگِ فاش ایکنهِ دز اَر بیا
جون خوت سی دل خشی امسال سگ هاری بکن

پوکِسِن مَردُم وَ یک بسکی که غصه ِ خردنه
تِی عزا دارل بیو سیشون عزا داری بکن

خوت خو دونی مِن فقیری دین و ایمونی نسی
قاطرِ فقرِ بیو زنجیل و اوساری بکن

دل نسی مِن سینه یِ مردُم وَ غصِّی روزگار
وقتشهِ بُی مهربونی ایسو دلداری بکن
سرگشته