شێعر

شێعر
وەسیەتی دایک بۆ کچ

کچم ڕۆڵەی کزۆڵەی بەرده باریم چرای ڕووناکی بێ دەستی و هەژاریم

کچم پارچەی نەژاکاوی زەمانەم نەتیجەی ئیهتیمامی خوێندەواریم

وەره گوێ ڕاگره بۆ پەندی دایکت فەرەح بەخشی دەرونی بێ قەراریم

کچم هۆشی حەیا وناموسی خۆت بێ نەکەی کاری زیاد کەی دەردی کاریم

نەخۆی هەرگیز فریوی ساده روویان نەبێته هۆی زیادی شین و زاریم

کچم هوشیاری خۆت به تاکو مردن وەکوو من به ،به زرنگی و هوشیاریم

کچم وەڵڵا هەمووی داخی کچانه نەخۆشین و کزی و بێ ئێختیاریم

نه تەنیا وەسیەتم بۆ تۆیه ڕۆڵه فیداکاری کچانی کورده واریم

مامۆستا_قانێع