آنا دیلیم-آنادیلیم

آنا دیلیم-آنادیلیم
سن شرفیم شؤهرتیم سن
دوداغیمدا حسر تیم سن
َدوشمانلارا نیفر تیم سن
کیمدیر سنی دانا دیلیم ‌
آنا دیلیم-آنادیلیم
****
یازانمادی الیم سنی
دوغرادیلار دیلیم سنی
قان آغلادی ائلیم سنی!!
بویانماسین قانا دیلیم
آنادیلیم-آنادیلیم
****
سن ابدین واریم منیم
دارگونومده یاریم منیم
سینه م اوسته تاریم منیم
قالدئ یانا-یانا دیلیم!!
آنادیلیم-آنادیلیم
****
دولوخسانما گلر سحر
گؤز یاشینی سیلر سحر
نور ساچینا الر سحر
چیچک له نر آنا ،دیلیم
آنادیلیم-آنادیلیم
****
دونیا بویو یوکسک اوجا
سولیماندان نوحدان قوجا
گووه نیرم من دویونجا
بو شوهره ته شانا، دیلیم
آنادیلیم-آنادیلیم
"فیض اله بختیاری"