ای وفاسیز گوزلیم جان سنه قرباندی اینان

ای وفاسیز گوزلیم جان سنه قرباندی اینان

اولماسان بوردا دا کونلوم سنه حیراندی اینان

آیریلیق اولسا مین ایل گوز گئنه گوزلر یولووی

گوزلرین درده سالیب دردیمه درماندی اینان

گئزیرم یئر گویی هر گون سنی من آختاریرام

دونیا سن سیز سن اوچون غم دولی زنداندی اینان

یانیرام اوزگه لیقین نان گوزلیم کاش بولسن

بو ییخیلمیش اورگین دونیاسی ویراندی اینان

یاشاماخ یاردان اوزاخ اولماغا بنزیر گوزلیم

گئتمیسن اولمه میشم جان بونا پشماندی اینان...