ای کریمِ آل طاها

ای کریمِ آل طاها
تقدیم به ساحت نورانی و پاک امام حسن مجتبی علیه السلام
به قلم: استاد غلامی سرای
دانلود پادکست: https://bit.ly/2HtPbmR

گورمه دیم بو آسمانه سن کیمی بیر آی گله
ای عزیز مرتضی حاشا سنه بیر تای گله
قوی گنه یاغسین یاغیشلار گویلری آلسین بلوت
قوی بیزه کوثر جالانسین لاله زاره چای گله
آل طاها مشرقینَن پارلیان گون پارلیور
منتظر عالم دوروبدی قیش سواوشساق یای گله
گوزلرین آیدین دییوللر عرشین اهلی حیدره
گوزلیور زهرا بهشتدن مجتبایه پای گله
نور چشم کائناته وئردیلر قنداقه سین
لعلینه ایلیور تماشا چشم طاها های گله
گورنه گویچکدی پیمبر،گول دوداقینن اوپه
خوشدی زهرانین لبینَن سمعیوه لای لای گله
ای کریم آل طاها بنزَرین زهرایه چوخ
سن سوَنلَر سمتینه قویما یاغا غم وای گله
هرنه گویچک لیق،بو ایودن عالمه منشور اولور
ای 《سرایی》 عاشقانه وصف نورین سای گله
#اشعار_ولادت #اشعار_ترکی #امام_حسن_مجتبی #استاد_غلامی_سرای #مرکز_فرهنگی_شهید_جدیری_کهنموئی

مرکز فرهنگی شهید جدیری کهنموئی
https://t.me/shahidjodeiri
http://instagram.com/shahidjodeiry