وفاسیز اولماغی یارین گتیردی جانه منی

وفاسیز اولماغی یارین گتیردی جانه منی
بوکوبدو قامتیمی ، بنزه دیب کمانه منی

هیچ اولماسا منی یوز یول دا امتحان ائله ییب
بو غملی حالدا چکیر بیرده امتحانه منی

ئورک دونوبدو قانا گوزدن آخدی صورتیمه
قویوبدور آیریلیقی گورنه نوعی قانه منی

خبر یتئشدی گلیبدیر بیزه بیلیندی سورا
گلیب رقیبه گوره ایله ییب بهانه منی

بهاریدیم نه گوز لیک ده گول لریم واریدی
جفاسی بو فلکین دوندریب خزانه منی

گیجه گونوز منه یولداش دی غصه لر هامیسی
سالیب بو نانجیبین چنگینه زمانه منی

اگر قرار اولا گویدن یاغا یاغیش کیمی اوخ
گلر تاپار منی بیر بیر دوتار نشانه منی

فقط علاجی بودور دفتره پناه آپارام
سالار بیر آیری حالا طبع شاعرانه منی