بار الهی سن منی بی عشق جانان ایله مه

بار الهی سن منی بی عشق جانان ایله مه

عشقیله شادم داخی دردیمه درمان ایله مه

مدعیله وعده قیلما قولینا قیلماز وفا

هر وفاسیز یارینا سن عهد و پیمان ایله مه

گر وصالیندن مدد قیلمازسان ای آرام جان

چشمیمی گریان ادوب باغریمی بریان ایله

لبلری دورینده اول گول یوزلو یاریم دم به دم

غنچه نی ای باغبان گلشن ده خندان ایله مه

بو خطایی خسته نین قیلما مشوش خاطرین

آغ یوز اوسته اول قرا زلفی پریشان ایله مه