منیم تانریم منی جهنمین اودوندان دئییل

منیم تانریم منی جهنمین اودوندان دئییل
اورکلرین سینماسیندان
و دوداقلاردا آچیلاجاق چیچکلرین سولماسیندان
قورخودار.

کئشکم قوجا دوغولایدیم.
سونرا یاواش-یاواش جاوانلاشایدیم
سونرا عاشیق اولایدیم
سونرا جوجوقلاشیب و
بیر گئجه یاریسی آنام بویومو اوخشایا-اوخشایا اولیدیم.

اودلانماق ایمیش عشقده
اولدوزلارین پایی
بیر خونچا نیسگیل ایمیش
آدامسیزلارین پایی
چوخلار تیکیب گؤزون قاپی یا
پای گله ...
کؤنول
سنده بو شعری یاز آتاسیز قیزلارین
پایی