من ناوم خه ونه

من ناوم خه‌ونه

خه‌لکی ولاتی ئه‌فسوونم

باوکم شاخه و

دایکم ته‌مه

من له سالیکی مانگ کوژراوو، له مانگیکی هه‌فته کوژراوو

له روژیکی سه‌عات کوژراودا

دوای شه‌ویکی پشت کوماوه‌ی هه‌وراز به کول

به‌ره‌به‌یانیکی زامدار

له شه‌فه‌قیکی که‌سکه‌وه

وه‌ک گزنگیکی خویناویی که‌وتمه خواری و

داگیرسام و بووم به مومیک

گر به مل و

بووم به پرسیک

ده‌م به هاوار

 

.

.

.

 

من کیلگه‌ی گه‌نم و جوی شیعر بووم

دایکیشم بارانی په‌له‌دان

من به‌ردی ناو لانکه‌ی شاخی بووم

دایکیشم نیشتمان

من کرمی ئاوریشمی قوزاخه‌ی به‌هره بووم

دایکیشم ده‌ره‌ختی برک و ژان

من جه‌سته‌ی مه‌لیکی سپی بووم

دایکیشم ئاسمانی وه‌ک قه‌تران

من خه‌و بووم و دایکم سه‌رم

من که‌رویشک و ئه‌و نزار بوو

من جولانه و ئه‌و لقی دار

من هه‌ناسه و دایکم سنگ بوو

ئه‌و قه‌فه‌ز و من که‌وه‌که‌ی

من چیروک و ئه‌و شه‌وه‌که‌ی.