دِلُم تیر ایـــــکَشه سی دیدَنِ تو

دِلُم تیر ایـــــکَشه سی دیدَنِ تو
فقط غم ایخورُم بی بیدَنِ تو
اَنارِ سُهرِ باغِ پایِ"کینو"
دِلُم پیت ایزَنه سی چیدَنِ تو

همه دل مُرده یَل جون ایگِرن اَر
به اَشنِن قَهقَهِ حَنیدَنِ تو

پَرِ دارا اِبازِن اَر بِوینِن
دو دَسمالی سه پا رَسخیدَنِ تو

زِ رَه صاف خدا رینه اِجَرنُم
زِ ری مو وا یَه ری جَرنیدَنِ تو

ندارُم آرِمونی مینِ دنیا
به غیرا هُمدُرُنگ آبیدَنِ تو

زِ ریت ایخوم گُلی چینُم نگوی نَه
که ایمیرُم زِ نَه اَشنیدَنِ تو