(تورک اوغلیام)🌺 🌺 🌺 🌺 🌺 🌺 🌺

(تورک اوغلیام)🌺 🌺 🌺 🌺 🌺 🌺 🌺
یاز قلم جان یوردوما قرباندی من تورک اوغلیام
عشقیمه دؤنیا بوتون حیراندی من تورک اوغلیام
هامینی تانری بودونیاده گوزل خلق ایلیوب
بوگوزللیکده منه عنواندی من تورک اوغلیام
قورد کیمین آجدا قالام هر یالتاقا باش ایمرم
بابکیمدن چون منه فرماندی من تورک اوغلیام
ذیلته جان وئرمرم زیندانه ده دوشسم اگر
غملی حریت منه زینداندی من تورک اوغلیام
کئچمیشیمدن قؤی دییم کی یئدی مین ایلدیر یاشیم
بویاشیم هر یاشلارا سلطاندی من تورک اوغلیام
من سؤیود دیرم یئریمده خیردا بیر یئلنن اسم
باش ایاق جانیم منیم طوفاندی من تورک اوغلیام
یؤردوما حمله ائده دؤشمنلر ئوللم قاچمارام
یؤردوما خاطیر سینم قالخاندی من تورک اوغلیام
حاقیمی هئچ کس یینمز غیرتیم واردیر منیم
انتقامیم بیر قانا یوز قاندی من تورک اوغلیام
قالخمیشام تاکی فاشیسته دونیادا من بیلدیرم
فرقی یؤخدور هامی بیر اینساندی من تورک اوغلیام
ظالمه بیر خنجرم مظلوملارا بیر قارداشام
مظلوما یاردیم منیم هر آندی من تورک اوغلیام