گئت گولوم گئت منه سن جان اولاسان ایستمیرم

گئت گولوم گئت منه سن جان اولاسان ایستمیرم
عشوه لی سئوگیلی جانان اولاسان ایستمیرم

بیرده گوز یاشی توکوب کوئینه گلمم گوزلیم
گوروب احوالیمی خندان اولاسان ایستمیرم

بی وفالیقدا بوتون عالمه مشهور اولدون
سن اگر حورییی قیلمان اولاسان ایستمیرم

وورموسان سینه مه مین یاره کفایتدی منه
بو سینیق کونلومه درمان اولاسان ایستمیرم

بی وفاسن ، ده گلیم راضی اولنده سونرا
قبریم اوستینده نگهبان اولاسان ایستمیرم

پیس گونومده منی سالدون نظریندن گئتدین
یاخشی گونده منه مهمان اولاسان ایستمیرم