حسرتیزده یانیرام

حسرتیزده یانیرام

شرح اشتیاق جانسوز برحرم ارباب
ای اولاری که رهسپارحرم سیز

به قلم: استاد غلامی سرای
ویژه ی پیاده روی اربعین

دانلود نماهنگ:http://yon.ir/81QEI

قالموشام من دالی یاران یانیرام
یاغیری دیده ده باران یانیرام
گدیسیز ال ده علم سینه ده نور
باخیرام واله و حیران یانیرام
جام عشقی چکیسوز لبلریزه
قالیرام جامیزا عطشان یانیرام
سیزی امواج آپاریر دریایه
منی غرق ایلیری طوفان یانیرام
سیز اوره دن چاغیریرسیز یاری
آلیرام بوش اَله بیرجان یانیرام
قویوسوز یوللارا تا هر قدمی
کچیسیز عرش دن آسان یانیرام
نه مَلک لر که آچیر شهپرینی
قدموز آتدا گل افشان یانیرام
داموری لبلریزه کوثر عشق
آچیری باغرینی رضوان یانیرام
سیزینن طِیّ ایلیور جاده لری
سرور و صاحب دوران یانیرام
دولانور اوغجودا دریا جالیور
اوزوزَه ساقی طفلان یانیرام
آناسی فاطمه بیربیر سوروشور
حالیزی دیده سی گریان یانیرام
هامیز اولدوز نه گوزل بیر یرده
سفره ی زینبه مهمان یانیرام
تارو پودوم سیزینَن باهم دی
آلیشور قلب پریشان یانیرام
اوپون او یِر که دوشوب قوللاری
آخیب او گوز یاشینان قان یانیرام
دوشَنون او یِره که دوره لنوب
اوردا او سرور خوبان یانیرام
اَل آتاندا سیزی الله اَلینه
یاد ائدین بو دل سوزان یانیرام
خوش او احوالیزه که درک ائدیسیز
محضر یاری یاخیننان یانیرام
ارمنی لرده گلیر بو یولدان
آلیری دردینه درمان یانیرام
یاز "سرایی" که آلارسان بیلورَم
شعروه چوخ زاد آغامنان یانیرام

#اشعار_استاد_غلامی_سرای #نماهنگ_پیاده_روی_اربعین