شیرین شیرین اوخویوردوق غزل یادیندادی هئچ؟

شیرین شیرین اوخویوردوق غزل یادیندادی هئچ؟
غزل سنینله اولوردی گؤزل یادیندادی هئچ؟

هایاندا قالدی اَلین؟ اَللَریم یامان داریخیر
او اینجه اللره وئرمیشدیم ال یادیندادی هئچ؟

هامی بیلیردی نه جور وورغون اولموشام سنه من
بو سؤز اولوردی شهرده مَثَل یادیندادی هئچ؟

هایانداسان؟ کی باخیشلاردان اینجییر اوره گیم
باخیشلارین اؤزلییدی اؤزل یادیندادی هئچ؟

غزلده بیر دؤنه ده گؤزلریم گزیردی سنی
دئییردی کلمه لریم بسدی گل یادیندادی هئچ؟

عارف ساسانی