تمومِ عمرمهِ پُر کرده یی غم داد و بیداد ای

تمومِ عمرمهِ پُر کرده یی غم داد و بیداد ای
سرم ره بین زونی یَل وَ ماتم داد و بیداد ای

بِسی تَش بافه بافهِ مِن دلُم بُی رهتَنِت دیدی؟
چِکِس ارسِ تِیَم بارونه نم نم داد و بیداد ای

مو ایدونم که بعدت خنده ری لوو خوم دَ نیبینُم
مِن یی دنیا یه پِرزِی خنده ای،کم داد و بیداد ای

تشِ دیری بتالم کرده نونی حال و احوالم
خوم ایدونم که تِی کَس نیزنُم دم داد و بیداد ای

کلافهِ کردِمهِ زخمی که نادِی ری دل و جونُم
وَ زنجیلی که بَهسی پامه محکم داد بیداد ای
سرگشته
#سهراب_عرب_زاده