سنسیز ای شوخ منیم خوش گذرانیم یوخدور

سنسیز ای شوخ منیم خوش گذرانیم یوخدور
سنکی یوخسان ائله بیل جسمده جانیم یوخدور
عشق پروانه سی یم غم اودینا تابیم وار
خسته بولبول کیمی هر لحظه فغانیم یوخدور
بو یامان گونده منیم بیرجه امیدیم سن سن
سنسیز هئچ بیر کسه عالمده گومانیم یوخدور
زولفونه باغلی اوْلاندان پری – مجنون کیمی یم
ائیله سر گشته یم هئچ یئرده مکانیم یوخدور
صبر آرامیمی الدن، غم هجرانینی آلیب
بیرده غم چکمگه جسمیمده توانیم یوخدور
حاضرم جانیمی عشقینده فدا ائیلمه گه
قسم اوْل جانینا بیر ذره یالانیم یوخدور