میرزا مأذون قشقایی

میرزا مأذون قشقایی
******************************************
گّل ای جگر گوشام باغم تمری
قوجالموش آقاگنن ایشد سوز اوغلوم
********************
دُغری ورَرَم خیر وشَرْدَن خبری
اَزَلْدَن اول کردگارا، دوز اوغلوم
********************
تحصیل اِدْ حاصل اِدْ علم یَقینی
نمازی، طاعتی، ایمانی، دینی
********************
صَرْفَه ِسزْ گَچردمه ،آغ شام و گونی
گِجَه گُوندُوز اُوخُویان و یاز اوغلوم
**********************
کامل اولُوب کاملَلَره اَنیس اُل
با ادب با کمال خوب و تمیز اُْل
**********************
فهم وکمال تحصیلنده، حریص اُْل
مال یِقمَگَه، حرصرنگ اُولسون ،آز ، اوغلوم
*************************
دنیا مالی هامُو ،خوف وخطردُور
خبر نیلر اُوْ . که صاحب خبر دور
***********************
زر نیلر اُْوْ که وجودی زر دوُر
مس وجودنگ کیمیایه ، دوز ، اوغلم
*********************
چوخ سعی ایله، عارف سُوزِن بیماغه
ِورما ناداننان ،صحبت قیلماغه
**********************
مُشکی که همنشین اُولدی تُرپاغه
قیمتِ کساد دور ، قدری آز، اوغلوم
**********************
قدیمی عارفلار حِکْمَتْدَه هوشیار
سُوز قویوبلار، خوب و پِسْدَنْ یارگار
***********************
دریای عرفاندَنْ گُوهر شهسوار
رشته عقلنگه اُلوُب، دوز اوغلوم
**********************
دِمَگِنَنْ اُزینگ عارف ایلمه
یالان دیب وعده خلاف ایلمه
*وسط دوُتوُب ، بخشِشِنگ اسراف ایلمه
نه چوخ خسیس اول، نه چوخ اَلی باز اوغلوم
***********************
دَخلنگ بیلب، خَرجنگ ایله سزاوار
طوطیه قندی وِر ، کرکسه مُردار
**********************
خوبه خوب اُل ، گُلَهْ گُلْ اُلْ ، خارا خار
آلمایانگ نجسدن آغزآ، سوز اوغلوم
**********************
پادارلقده گورگ سهمی داغ اُولنگ
خوشرو لِگْدَنْ سبز و خرم باغ اولنگ
***********************
بد طینت المایانگ ، گُوینی آغ اولنگ
هر کمیننن گَلْ یُولَهْ، وارِ دوز .اوغلوم
*********************
قَدر بیلَنْ آقایِ ، ولی نعمت اِد
تا جانینگ وار ، خلاف اِدْمَهْ خدمت اِد
*********************
نمک یدینگ ، نمکدانه حرمت اِد
اِدْمَهْ اوز تعریفنگ، قیلمه ناز اوغلوم
**********************
دُور حدّینگه ، هر چند بویوک خوب سه
شرم حیا ینان گِدْ هر مجلسه
*************************
باشنگ گِدْسَهْ ، سِرّنگ دِمَهْ هِچْ کَسَهْ
چوخ احتیاط ادیب ، ساخلا سوز اوغلوم
************************
آشکار سُولَمَهْ ، هست و نیستگی
شور اِد اَمّا ، ظاهر اِدْمَهْ قصدنگی
************************
دشمنه دشمن اُلْ ، ساخلا دورستلگی
هر ایشْدَهْ او کردگارا اُوز اوغلوم
**********************
نَفْسِ، بویوک دشمندور ، تکلیفی خطا
غرق اِدَرْ دریا ها ، یاندرور اوتا
**********************
قیزلَرَهْ قارداش اُول ، اُوغلانا آتا
هر گوزله سالما ،گوز اوغلوم
*********************
شیطاننگ مسکنی چوخ جمالدور
عِشْوَدَهْ ، غَمْزَدَهْ، زُلْفُ خالدادور
********************
مأذون بو سوداده ، یاشی قالدادور
اولما آتانگ کمین ، هوسباز اوغلوم
*********************