یاغیش ووراندا توپراغا

یاغیش ووراندا توپراغا
گلیر وطنین قوخوسو
روحوم بدندن آیریلیر
یئرده ترک ائدیر اولوسو

اوچور اوچور ،اوچور اوچور
یئددی گؤی دووارین آشیر
گزیر جننتین باغینی
ملکلرین آغلی چاشیر

یاغیش ووراندا توپراغا
کیم نه بیلیر نه لر اولور
کیم نه بیلیر گؤزلریمه
ندن آخارلی یاش دولور

کیم نه بیلیر نه حالی وار
اؤز حالیندا اولمایاسان
سن وطنه جان دییه سن
وطن سنه سؤیله یه جان

من یاغیشین دلیسی یم
من یاغیشین عاشیقی یم
کاش همه شه یاغیش یاغا
چیرپا یارالی توپراغا...