وری دا سقه اوو پیچ ساوه ت

وری دا سقه اوو پیچ ساوه ت
دلم تنگه خدا سی لاوه لاوه ت
سقه اوو گلونی مین سرت بام
دلم تنگه سی گرما تش و تاوه ت
چنی خووه که مشکاون دراری
ری وه سر چشمه آو بیاری
اواره آو بپاشی زیر کولا
بشینی وا زنو فامیل و همسا
سقه گیست وری،حالم خراوه
تپاله یانه نونی زیر تاوه؟
حنام کو دالکه وم بو ستینم
مه گلونی و سر و تیت بشینم
دلم تنگه خدا سی روزگاری
که مشک دویی بینم گل داری
کسی د چی قدیمیا نخنه
کسی سی دخترش ساوه نبنه
کلنجه رته د ویر زنونمو
تره رته د یاد دخترونمو
کجا د دختری پا تش نشینه
تش و تژگاه نشسه کنج سینه
صدای کل فراموش بیه دایه
کسی داوتونه یادش نیایه
کسی و بنگ کله شیر نوریسه
چراغ نفتینه کسی نی بگیسه
کرنگیا حالی و گله فراموش
همه بار کردنه دی دشت خاموش
وری دایه دلم ها بگریوم
تو سیم بی بی بویی تا بفریوم

#قوم_لر#لر#لرستان