ئەگەر بووم بە شیرەخۆرە، ئازیزەکەم سویندم وابی

ئەگەر بووم بە شیرەخۆرە، ئازیزەکەم سویندم وابی
لە گۆی مەمکی تۆ بەولاوە، مەمکی لە سەر لیوم نابی

ئەگەر بووم بە کۆرپەی ئازیز، لە ناو وڕکا کە پیم دانیم
لەسەر کۆشی نەرمت نەبی، هەرگیز چاوم لە یەک نانیم

ئەگەر بووم بە خاکی تینوو، گر هەلسی لە ئاسۆمەوە
بەرامەی زولفی تۆ نەبی، دلوپی ئاو ناخومەوە

ئەگەر بووم بە پیری موغان، مەی مەلهەم و دەرمانم بی
شەرابی ڕەنگی تۆ نەبی، هەموو پەیکی بە ژانم بی

ئەگەر بیت و بە سەر خەما هزار کەڕەت برومەوە
لە بارانی تودا نەبیت، گەردی دلم ناشومەوە

ئەگەر بووم بە ناویکی خوش، دیمە ڕازی داخراوت
هەتا لە بەیتی شیعریکا، ئەبم بە قافیەی ناوت

ئەگەر من بووم بە ڕیگە و بان، هیلم دیار بوو لەم سەر خاکە
بو تو نەبی ڕیگە و هیلم، گیانە ئیتر بۆ کی چاکە؟
ـــــــــــــــــــــــــــــــــــــــــــ