یئنه مستانه چیخیب غمزه لی سیرانه سحر

یئنه مستانه چیخیب غمزه لی سیرانه سحر
دولانیر ائل اوبانی نازیله مستانه سحر

جانلادیب شوق سحر جملهء مستانه لری
جان وئریر شمع باشیندا یئنه پروانه سحر

مست اولوب جملهء عشاق چمنین عطرینده ن
لاله نین باغری دولوب قیر میزی القانه سحر

آیلیب تئز یو خودان زولفی پریشان سنبل
چون نسیم سحری زولفه چکیر شانه سحر

نور ساچیر طوی گئجه سی خانهء اغیار غمی یوخ
دولاجاخ نوریله هر گوشهء ویرانه سحر

بولبولون حالینه باخ گور نئجه غوغایه گلیب
گتیریب گول هوسی ناله و افغانه سحر

(من تنهانین) طبعی نه باخ چشمهء جوشاندی آخیر
گور نه افسون یارادیب دفتر و دیوانه سحر