دەڵێن ...

دەڵێن ...
جەژنی ڕەمەزانە
لەدوای مانگێک...
دەم گرێ دان،
چاو بەفەقیرا هەڵێنان!!!
خۆڕاگری
لە بەر قۆڕەی زگی خاڵی و،
پاشان
تلانەوە بە دەرد وئازاری
گەیەی خنراو
لە سەر سفرە و خوانی لە حەوت ڕەنگا چنراو ،
بەهەشت و جۆگەلەی شەراب،
حۆری جوان و
کۆشک و کەباب،
بۆ دەس خۆشی و
وەک جەژنانە
دا بەش ئەکرێ
بە سەر برای موسوڵمانا،
بۆیە ئەمڕۆ،
ڕۆژی شایی و
جەژن مانە
منیش ئەڵێم؛
لیتان پیرۆز ،
بەڵام گیانە..!
ئەرێ ئێوە بە من ناڵێن!
بۆچی تەنیا
لە چوار سووچی،
ئەم جیهانە
پەت و سێدارە و ئەنفال و
ئاوارەیی ولێقەومان و
چاو هەڵێنان،
بە سەر کڕین و برینی
لاو و جەستەی نیشتمانا
بوو بە دیاری و بە جەژنانە!
بۆ ئەم کوردە بەستەزمانە؟
لە دوای ئەم کارە ساتانە
لەدوای کوشتن،
بەدیل گرتن وفرۆشتن،
هەڵواسین بەدارە کفرا...
هێشتا هەر بیکەم بە جەژن و!
هاو کاسە بم
لە گەڵ خێڵی دووژمنانا؟
#کورد
#کوردستان
#پیشمرگه